Pavlodar turǵyny 18 qap kóknár satyp alyp, odan esirtki daıyndaǵan
Qazaqstan Respýblıkasy QK 297-baby 1-bóligi boıynsha sotqa deıingi tergeý barysynda tergeý Pavlodar qalasynyń turǵyny qaladaǵy dúkenderdiń birinen kılogramyn 12 myń teńgeden kóknár satyp alyp, úıinde atsetıldengen apıyn daıyndaǵan. Ony turǵyn ózi paıdalaný jáne ótkizý úshin daıyndaǵan.
«Dúken ıesi Pavlodar qalasynyń ártúrli jeke kásipkerlerinen kóknárdi kóterme baǵamen satyp alǵanyn jáne esirtkige táýeldi adamdarǵa bir kılogramyn 12 000 teńgeden satqanyn túsindirdi. Polıtsııa qyzmetkerleri dúkennen árqaısysynyń salmaǵy 25 kg bolatyn kóknár salynǵan 18 qapty tárkiledi, olar boıynsha sot-medıtsınalyq saraptama taǵaıyndaldy», – dep habarlady Pavlodar oblysy PD bastyǵynyń orynbasary Bolat Nýrseıtov.
Atalǵan fakti boıynsha Qazaqstan Respýblıkasy Qylmystyq kodeksiniń 301-baby (Ýly zattardyń, sondaı-aq esirtki quraldaryn, psıhotroptyq zattardy, sol tektesterdi nemese ýly zattardy daıyndaý nemese qaıta óńdeý úshin paıdalanylatyn zattardyń, qural-saımandardyń nemese jabdyqtardyń zańsyz aınalymy) boıynsha sotqa deıingi tergeý júrgizilýde.
Foto: polisia.kz
