Pavlodar turǵyny 16-qabattaǵy balkonnan sekirip, mert boldy
PAVLODAR. QazAqparat – Pavlodar turǵyny 16-qabattaǵy úıdiń balkonynan sekirip, qaza tapty, dep habarlaıdy QazAqparat Pavlodarnews.kz-ke silteme jasap.
Oblystyq Polıtsııa departamenti baspasóz qyzmetiniń málimetinshe, N. Nazarbaev dańǵylyndaǵy 52-úıdiń aýlasynan er adamnyń máıiti tabyldy. Ol 16-qabatta ornalasqan turǵyndardyń ortaq balkonynan sekirip, óz-ózine qol salǵan.
«Tekseris júrip jatyr. Saraptamalar taǵaıyndaldy. Er adamnyń tulǵasy anyqtalýda», - delingen habarlamada.
Eske sala keteıik, buǵan deıin Pavlodarda polıtsııa qyzmetkeri óz-ózine qol jumsaý faktisiniń aldyn alǵan edi. Mas er adam bes qabatty úıdiń terezesinen sekirmek bolǵan.
