Pavlodar turǵyny 12 jastaǵy ulyn jol talǵamaıtyn kóliktiń rýline otyrǵyzdy
KENJEKÓL. QazAqparat – Pavlodar oblysynda 12 jastaǵy ulyn jol talǵamaıtyn kóliktiń rýline otyrǵyzǵan er adam jazaǵa tartyldy, dep habarlaıdy QazAqparat Pavlodar oblystyq polıtsııa departamentiniń Instagram-daǵy akkaýntyna silteme jasap.
Pavlodarlyq pablıkterdiń birinde kámelettik jasqa tolmaǵan balanyń kólik júrgizip kele jatqany kórinip turǵan fotosýretter jarııalandy. Atalǵan fakti boıynsha Kenjekól aýylyna kólik patrýli jiberildi.
«Fakti rastaldy - Toyota Land Cruiser Prado» markaly kólikti onyń ıesiniń 12 jastaǵy balasy júrgizgen. Balanyń ákesi QR Ákimshilik quqyqbuzýshylyqtar týraly kodeksiniń 612-babynyń 5-bólimi (kólikti júrgizý quqyǵy joq tulǵaǵa kólik júrgizgizý) boıynsha ákimshilik jaýapqa tartyldy. Tártip buzýshyǵa 50 AEK kóleminde aıyppul salyndy», - dep habarlady polıtsııadan.
