Pavlodar turǵyndary oblys ákimine shaǵymyn WhatsApp-pen jibere alady
PAVLODAR. QazAqparat - Pavlodar oblysynyń ákimdiginde azamattardyń ótinishin qabyldaý úshin táýlik boıy jumys isteıtin biryńǵaı qalalyq telefon nómiri men WhatsApp akkaýnty iske qosyldy, dep habarlaıdy QazAqparat ákiminiń baspasóz qyzmetine silteme jasap.
«Aımaq basshysyna ótinish berý burynǵyǵa qaraǵanda jyldam ári jeńil bolady. Oblystyq ákimdikte aımaq turǵyndarynyń jergilikti atqarýshy organdarynyń jumysyna qatysty shaǵymy men ótinishin qabyldaý úshin 661 661 biryńǵaı qalalyq telefon nómiri men +7 702 1 661 661 WhatsApp-akkaýnty iske qosyldy. Nómir men akkaýnt táýlik boıy jumys isteıdi», delingen habarlamada.
Osy nómir boıynsha oblys ákimi Ábilqaıyr Sqaqovtyń qabyldaýyna jazylýǵa bolady. Jaqyn arada azamattardy qabyldaý 13 jáne 14 aqpan kúnderi aımaq basshysynyń eseptik kezdesýine deıin jáne kezdesýden soń ótedi.
Sondaı-aq, Pavlodar oblysynyń turǵyndary ózderiniń jazbasha túrdegi shaǵymy men usynysyn ákimdik ǵımaratynyń janyndaǵy jáshikke qaldyrýyna bolady. Ákimdik ǵımaratynda beınesaýaldardy qabyldaıtyn bólim táýlik boıy jumys isteıdi.
