Pavlodar turǵyndary qala kúnin atap ótti
ASTANA. QazAqparat - Ertis Promenade sahnasynda Nurjan Áshimbetov pavlodarlyqtardy qala kúnimen quttyqtap, shahardyń kópten bergi turǵyndaryna «qurmetti azamat» ataǵyn tabystady, dep habarlaıdy pavlodarnews.kz.
Pavlodarda qalasynyń 298 jyldyǵy Ertis jaǵalaýynda toılandy. Ertis Promenade sahnasynda jergilikti jáne ombylyq ujymdar teatrlandyrylǵan qoıylymdaryn kórsetti.
Pavlodar ákimi Nurjan Áshimbetov óz sózinde qalanyń kúnnen kúnge damyp kele jatqandyǵyna basa toqtaldy.
«Oǵan ınvestorlardyń qosyp jatqan úlesi zor. Olar Pavlodardy abattandyrý men kórkeıtýge qomaqty qarjy bólýde. Ár pavlodarlyqtyń qalamyzdy jaqsartýǵa múmkindigi bar. Sol jolda aıanyp qalmaıtyn sizderge alǵysym sheksiz», - dedi ol.
Sonymen qatar, Ertis Promenade-da qalalyq máslıhattyń 37-sessııasynda qabyldanǵan sheshim boıynsha «Pavlodardyń qurmetti azamaty» ataǵy qalanyń toǵyz turǵyny men aqsaqaldarǵa berildi.
Sondaı-aq, Nurjan Áshimbetov Omby men Novosibir basshylaryna eki jaqty qarym-qatynasty damytýǵa qosqan úlesteri úshin marapattar berip, qalanyń damýyna úles qosqan pavlodarlyqtarǵa alǵys hattar men baǵaly syılyqtardy tabystady.
