Pavlodar turǵyndary ınternettegi alaıaqtarǵa aldanyp qaldy
ASTANA. QazAqparat - Pavlodar oblysynyń eki turǵyny ınternet arqyly arzan baǵaǵa taýar satyp almaq bolyp, alaıaqtardyń qurǵan qaqpanyna túsip qaldy, dep habarlaıdy «QazAqparat» HAA tilshisi.
Pavlodar oblysynyń ІІD baspasóz qyzmetinen habarlaǵandaı, eki turǵyn kólik saımandaryn arzan baǵaǵa satyp almaq bolǵan. Atap aıtqanda, jábirlenýshiler ınternetten kóliktiń qozǵaltqyshy men dóńgelegi satylatyny týraly habarlama oqyp qalǵan.
«Habarlamadaǵy nómirge qońyraý shalǵan jábirlenýshiler bankomat arqyly alaıaqtardyń shotyna aqsha aýdarǵan. Aqshaǵa ıe bolǵannan keıin álgi adam baılanysqa shyqpaı qoıǵan. Eki jaǵdaıda da jábirlenýshiler 100 myń teńgege jýyq aqshasynan aıyryldy», - dep habarlaıdy vedomstvodan.
Qazirgi ýaqytta QR Qylmystyq kodeksiniiń 190-baby boıynsha qylmystyq is qozǵaldy.
«Osy iske baılansty Іshki ister departamenti ınternet arqyly kelisimge kelgen kezde asa saq bolýdy eskertedi. Keıbir jaǵdaıda arzan baǵaǵa taýar satý týraly habarlama alaıaqtardyń qaqpany bolyp shyǵady», - dep habarlaıdy ІІD-nen.
