Pavlodar turǵynynan asa iri kólemde aqsha men marıhýana tabyldy
PAVLODAR. KAZINFORM — Pavlodar polıtseıleri jergilikti azamattan qolma-qol aqsha men uıaly telefon tárkiledi. Sondaı-aq odan keptirilgen esirtki zattary anyqtaldy.
Tártip saqshylary ustalǵan azamattan jalpy somasy 10 mln teńge jáne 19 myń dollardan astam aqsha, sebýge arnalǵan tuqymdar, uıaly telefon jáne noýtbýk tárkilegen.
— Kenjekól aýylynda ósimdik tektes zattary bar 5 vakýýmdyq qaptama, vakýýmdyq býyp-túıýshi jáne elektrondyq tarazy tabyldy. Qorytyndyǵa sáıkes, usynylǵan zattar asa iri mólsherdegi keptirilgen marıhýana bolyp shyqty, — dep habarlady Pavlodar oblysynyń polıtsııa departamenti.
Vedomstvoda esirtki zattaryn ótkizý maqsatynda zańsyz saqtaǵany úshin ustalǵan adamǵa qatysty tergeý júrgizilip jatqanyn atap ótti. Kúdikti Pavlodar qalasynyń ýaqytsha ustaý ızolıatoryna qamaldy.
Eske sala keteıik, Shyǵys Qazaqstan oblysynda esirtki zerthanasy joıyldy.