Pavlodar turǵynynan 30 keliden asatyn esirtki tárkilendi

PAVLODAR. KAZINFORM — Pavlodar oblysynda kúdiktiniń ıeligindegi jer ýchaskesin tekserý kezinde 150 túp qarasora jáne onyń keptirilgen bólikteri tabyldy.

Pavlodar oblysy polıtsııa departamenti esirtki qylmysyna qarsy is-qımyl bólimshesiniń jedel ýákilderi oblystyq prokýratýranyń úılestirýimen esirtki qylmysyna qatysy bar degen kúdikke ilingen er adamdy ustady.

— Er adam qarasora butalaryn jeke tutyný maqsatynda egip, ósirgenin moıyndady. Tabylǵan ósimdikter men olardyń keptirilgen bólikteri saraptamaǵa jiberildi. Nátıjesinde jalpy salmaǵy 30 kg-nan asatyn esirtki zattar anyqtaldy. Quramynda esirtki bar tyıym salynǵan ósimdikterdi zańsyz ósirý deregi boıynsha qylmystyq is qozǵaldy, — dep habarlady Pavlodar oblysy polıtsııa departamentiniń birinshi orynbasary Bolat Nurseıitov.

Eske sala keteıik, Jambyl oblysynda esirtki tasymaldaǵan eki kúdikti ustaldy.