Pavlodar turǵynynan 19 lıtr suıyqtyǵy bar kısta kesip alyndy

PAVLODAR. KAZINFORM - Ota 2,5 saǵatqa sozylǵan. Qazir áıel ózin jaqsy sezinedi. Ǵ.Sultanov atyndaǵy Pavlodar oblystyq aýrýhanasynda gınekolog dárigerler ishinde 19 lıtr suıyqtyq jınalǵan kıstany sátti alyp tastady.

— 55 jastaǵy patsıent ish qýysy men jambastaǵy kólemdi isikke baılanysty josparly ota jasaý úshin aýrýhanaǵa jiberilgen. Ota 2,5 saǵatqa sozylyp, onyń barysynda 19 lıtr suıyqtyq alyndy. Otadan keıingi kezeń asqynýsyz ótýde, patsıenttiń jaǵdaıy qalypty. Ol aýrýhanada taǵy bir apta bolady dep kútilip otyr. Baqylaý, taldaýlardan keıin dárigerler ony shyǵarý týraly sheshim qabyldaı alady, - dep habarlady óńirlik densaýlyq saqtaý basqarmasynan.

Aýrýhananyń medıtsınalyq ujymy bul ota mekemedegi joǵary bilikti mamandar men qoldanystaǵy zamanaýı jabdyqtardyń arqasynda múmkin bolǵanyn atap kórsetti.

Eske sala keteıik, SQO-da alǵash ret epılepsııamen aýyratyn naýqasqa ota jasaldy.