Pavlodar turǵyny ákimdikti sotqa berip, saıajaıda úı turǵyzýǵa ruqsat aldy
PAVLODAR. KAZINFORM — Pavlodar turǵyny jeke úı salý úshin saıajaı ýchaskesiniń nysanaly maqsatyn ózgertýdi suraǵan. Alaıda ákimdik bul ótinishti qanaǵattandyrýdan bas tartqan. Buǵan kelispegen azamat sotqa júginip, óz talabyn oryndatty.
2026 jylǵy naýryz aıynda er adam Pavlodar qalasynyń soltústik bóligindegi «Ertis» baý-baqsha sharýashylyǵynan saıajaı ýchaskesin satyp alǵan. Birneshe aptadan keıin ol jer qatynastary bólimine júginip, ýchaskeniń nysanaly maqsatyn jeke turǵyn úı salýǵa ruqsat beretin sanatqa aýystyrýdy suraǵan. Alaıda vedomstvo onyń ótinishinen bas tartqan.
Budan soń pavlodarlyq qala ákimine qarsy talap aryz berip, bas tartý týraly sheshimdi zańsyz dep tanýdy, onyń kúshin joıýdy jáne jer ýchaskesiniń nysanaly maqsatyn ózgertýge múmkindik beretin qolaıly ákimshilik akt qabyldaýdy mindetteýdi suraǵan.
Pavlodar oblysynyń mamandandyrylǵan aýdanaralyq ákimshilik sotynyń baspasóz qyzmeti málim etkendeı, sot talap qoıýshynyń ótinishin qanaǵattandyrǵan. Sot ákimdiktiń bas tartýyn zańsyz dep tanyp, jer ýchaskesiniń nysanaly maqsatyn ózgertý týraly qolaıly ákimshilik akt qabyldaýdy mindettegen.
— Talap qoıýshy suraǵan jer ýchaskesiniń nysanaly maqsaty Pavlodar qalasynyń bas josparyna sáıkes keledi. Qazaqstan Respýblıkasy Jer kodeksiniń 109-babyna sáıkes, egjeı-tegjeıli josparlaý jospary bolmaǵan jaǵdaıda qoldanystaǵy bas jospardy basshylyqqa alý qajet, — dep habarlady sottyń baspasóz qyzmetinen.
Eske sala keteıik, 1,9 myń gektar aýyl sharýashylyǵy jeri memleket menshigine qaıtaryldy.
