Pavlodar turǵyndarynyń dárigerlerge baılanysty shaǵymy eki jarym ese azaıǵan

PAVLODAR. KAZINFORM -  Mamandar bul emdeý mekemelerinde qurylǵan naýqastardy qoldaý qyzmetiniń nátıjesi dep baǵalaıdy.

Ertis-Baıan óńiriniń turǵyndary medıtsına qyzmetkerlerine az shaǵymdana bastaǵan. 2023 jyly Áleýmettik medıtsınalyq saqtandyrý qoryna 7 myńnan astam shaǵym tússe, byltyr nebári 3 myńdaı shaǵym tirkelgen.

- Medıtsınalyq qyzmettiń qoljetimdiligi men sapasy boıynsha azamattar tarapynan túsetin suraqtardyń basym bóligi bastapqy medıtsınalyq-sanıtarlyq kómek deńgeıinde týyndaıdy. Emdeý mekemelerinde naýqastardy qoldaý jáne ishki baqylaý qyzmeti jumys isteıdi. Qyzmettiń negizgi qyzmetine medıtsınalyq qyzmetti kórsetý jáne tártibin buzý derekterin anyqtaý jatady. Standartqa sáıkes naýqastardy qoldaý qyzmeti birinshi qabatta ornalasý kerek. Baıqap otyrǵanymyzdaı, qyzmetter qurylǵaly turǵyndardyń shaǵymy eki jarym ese kemigen. Patsıentterdi qabyldaý «osy jerde jáne qazir» qaǵıdaty boıynsha júzege asyrylady. Bul qyzmetke bas dárigerdiń orynbasary jetekshilik etedi, - deıdi «Áleýmettik medıtsınalyq saqtandyrý qory» KAQ-nyń Pavlodar oblysy boıynsha fılıalynyń dırektory Jangeldi Shaıymbetov.

Byltyr azamattar tarapynan kelip túsken 3 myń shaǵymnyń 105-in qor negizdi dep tanyǵan. Nátıjesinde óńirdegi emdeý mekemelerine 4 mln teńge aıyppul salynǵan.

Eske sala keteıik, medsaqtandyrý reformasynan keıin óńirlerde ne ózgeretini týraly jazǵanbyz.