Pavlodar turǵyndary VIP nómir satyp alýǵa 400 mln teńgedeı jumsaǵan
PAVLODAR. KAZINFORM - Byltyr óńirde 59,9 myń avtokólik onlaın rejımde qaıta tirkeýden ótken. Azamattar «aına» jáne birkelki tsıfrlardy jıi tańdaıdy.
Ertis-Baıan óńiriniń azamattary ótken jyly VIP nómirlerin satyp alýǵa jalpy somasy 324 mıllıon teńge jumsaǵan.
Bul týraly «Azamattarǵa arnalǵan úkimet» memlekettik korporatsııasy» Pavlodar oblysy boıynsha fılıalynyń dırektory Asylbek Saparbekuly habarlady.
— Oblystaǵy avtokólik ıeleri 2024 jyly «ádemi» nómirler satyp alýǵa 394 mln 664 myń teńge jumsaǵan. Kólik ıeleri ózderiniń kólik quraldaryn eGov.kz portaly arqyly nemese ekinshi deńgeıli bankterdiń qosymshasy arqyly qaıta tirkeı alady. Byltyr 59,9 myń avtokólik onlaın rejımde qaıta tirkeýden ótken, - dedi Asylbek Saparbekuly.
Atalǵan mezgilde jergilikti halyqqa qyzmet kórsetý ortalyqtary men mamandandyrylǵan ortalyqtar 1,1 mln-nan astam memlekettik qyzmet kórsetken. Azamattar kóbine elektrondyq tsıfrlyq qoltańba, jeke kýálikter men tólqujat, júrgizýshi kýáligin alýǵa júginedi.
Eske sala keteıik, byltyr Ózbekstanda eń qymbat kólik nómiri 74 myń dollarǵa satylǵan.