Pavlodar turǵyndary qurbandyqty qaıda shala alady?
PAVLODAR. KAZINFORM - Mamandar turǵyn úılerdiń aýlalary men podezder aldynda, páterlerde qurbandyq shalýǵa tyıym salynǵanyn habarlady. Sondaı-aq atalǵan jerlerde qurbandyq malyn satýǵa da bolmaıdy.
Pavlodar qalasynyń ákimdigi jergilikti turǵyndar qurbandyqqa shalatyn maldaryn «Qulager» ıppodromy aýmaǵyna aparý kerektigin habarlady.
- 27 mamyr kúni saǵat 06:00-de qalamyzdaǵy barlyq meshitterde Aıt namazy oqylady. Al qurbandyq shalý rásimin ótkizý úshin arnaıy oryn retinde «Qulager» ıppodromynyń aýmaǵy belgilendi. Arnaıy oryn sanıtarlyq-epıdemıologııalyq talaptarǵa saı keledi. Ol boıynsha arnaıy tekseristen ótti, - dep málimdedi ákimdikten.
Qurbandyq shalý rásimi saǵat 07:00-den 17:00-ge deıin júrgiziledi. Arnaıy orynǵa qala ortalyǵynan №1, 3, 6, 7 tramvaı marshrýttary arqyly jetýge bolady.
Eske sala keteıik, ShQO-da qurbandyq shalýǵa arnalǵan 13 oryn belgilendi.
