Pavlodar: Tramvaıdyń oqýshylardy qaǵyp ketýine qatysty is sotqa joldandy
PAVLODAR. QazAqparat - Pavlodar oblystyq sotyna apaly-sińlili oqýshy qyzdardy qaǵyp ketken tramvaı júrgizýshisine qatysty is kelip tústi, dep habarlaıdy «QazAqparat» HAA tilshisi.
«Іs materıaldary sotqa kelip tústi. Degenmen, sot atalmysh istiń materıaldarymen bes jumys kúni ishinde tanysyp, birinshi otyrystyń qashan ótetinin belgileıdi», - dep habarlady Pavlodar oblystyq sotynyń baspasóz qyzmetinen.
Ázirge is óndiriske túspedi. Pavlodar oblystyq ishki ister departamentiniń habarlaýynsha, polıtsııa 30 jastaǵy áıel júrgizýshige qatysty tergeý jumystaryn aıaqtady. Ol QR QK 345-baby «Sońy ólimge ákelip soqqan, kólik quralyn basqaratyn adamnyń jol júrisi erejesin buzýy» boıynsha aıyptalyp jatyr. Eger sot júrgizýshini kináli dep tanysa, ol bes jylǵa bas bostandyǵynan aıyrylýy múmkin.
Eske salaıyq, qaıǵyly oqıǵa 7 qyrkúıek kúni Pavlodarda boldy. Tramvaıdy 1987 jyly týǵan, bes jyldyq tájirıbesi bar áıel júrgizgen. Jol-kólik oqıǵasy saldarynan 10 jasar Mahabbat alǵan jaraqattary saldarynan sol jerde qaza tapty. Onyń 8 jasar sińlisi Maral balalar aýrýhanasynyń jansaqtaý bólimine jetkizildi.
