Pavlodar soty zeınetkerdiń úıine qaraqshylyq jabýyl jasaǵan 19 jastaǵy bozbalaǵa qatysty isti qarastyrýda
PAVLODAR. 29 mamyr. QazAqparat - Pavlodar qalasynyń № 2 soty zeınetkerdiń úıine qaraqshylyq jabýyl jasaǵan 19 jastaǵy bozbalaǵa qatysty qylmystyq isti qarastyrýda, dep habarlady sottyń baspasóz qyzmetinen.
Zeınetker áıeldiń úıin satqannan túsken 10 myń dollar aqshasy bar ekenin bilgen aıyptalýshy, óziniń tanysymen birge túnde betperde kıip, pyshaqpen jáne travmatıkalyq tapanshamen qarýlanyp, onyń úıine kóktep kirgen. Aıyptalýshy uıyqtap jatqan áıeldi betinen uryp, qoldaryn pyshaqpen tilip jibergen. Odan keıin, tóseginen súırep túsirip, aýyzy men kózin skochpen baılady. Ol ájesine qonýǵa kelgen nemeresin de baılap tastaǵan.
Úıden baǵaly zat tappaǵan jigitter áıeldiń qolyndaǵy altyn saqınany sheshken, uıaly telefonyn alyp, oqıǵa ornynan iz jasyrdy.
Polıtseıler kóp uzamaı «túngi qaraqshylardy» qolǵa túsirdi. Tonaýshylar endi sot aldynda jaýap beredi.
