Pavlodar, Shymkent jáne Atyraý MÓZ-deriniń qýaty kezeń-kezeńimen ulǵaıtylady
ASTANA. KAZINFORM – Shıkizattyq baǵyttan tereń óńdeýge kóshý maqsatynda Úkimet 2040 jylǵa deıingi munaı óńdeý salasyn damytý tujyrymdamasyn qabyldady. Bul týraly Úkimettiń baspasóz qyzmeti habarlady.
Qazirgi ýaqytta Qazaqstanda 254 elektr stansasy jumys isteıdi. Olardaǵy jabdyqtardyń ortasha tozý deńgeıi 56%. Elektr energııasyn óndirý kólemi 63,1 mlrd kVt/saǵ ishki tutyný kezinde 63,1 mlrd kVt / saǵ. Ekonomıkanyń ósip kele jatqan qajettilikterin qamtamasyz etý úshin 2035 jylǵa deıingi jospar aıasynda 26 GVt-tan astam jańa elektr energııasyn óndirý qýatyn iske qosý kózdelgen. Osy mindetter sheńberinde Kókshetaý, Semeı jáne Óskemen qalalarynda jańa jylý elektr ortalyqtaryn (JEO) salý jumystary júrgizilýde. Atalǵan jobalar boıynsha ınvestorlar aıqyndalyp, jobalaý men jabdyqtardy jetkizýge arnalǵan EPC-kelisimsharttarǵa qol qoıyldy.
Tómen kómirtekti ekonomıkaǵa kezeń-kezeńimen kóshý maqsatynda jańartylatyn energııa kózderin (JEK) damytý boıynsha júıeli sharalar qabyldanýda. Qazirgi ýaqytta elimizde jalpy qýaty 3,8 GVt-tan asatyn 172 jańartylatyn energııa kózi nysany jumys isteıdi.
Olardyń qurylymy tómendegideı:
71 jel elektr stansasy – jalpy qýaty 2 GVt;
54 kún elektr stansasy – jalpy qýaty 1,4 GVt;
44 gıdroelektrstansasy – jalpy qýaty 313,68 MVt;
3 bıogaz elektr stansasy – jalpy qýaty 1,77 MVt.
2026 jylǵa jalpy qýaty 245,8 MVt bolatyn jańartylatyn energııa kózderiniń 10 jobasyn iske qosý josparlanǵan. Búgingi tańda olardyń jalpy qýaty 212 MVt bolatyn 7 nysany júzege asyryldy.
Ótken jyldyń qorytyndysy boıynsha munaı óndirý kólemi 13,5%-ǵa ósip, 99,6 mln tonna boldy. 2026 jylǵa arnalǵan jospar – 98 mln tonna. 2026 jylǵy qańtar-maýsym aılarynda 45,7 mln tonna munaı óndirilip, 8,985 mln tonna munaı óńdeldi. Qazirgi tańda elimizdegi 4 jumys istep turǵan bıtým zaýytynyń jalpy óndiristik qýaty jylyna 1,66 mln tonnaǵa jetti. Bul kórsetkish jol qurylysy jumystaryna qajetti ishki suranysty tolyq qamtamasyz etedi.
Shıkizattyq baǵyttan tereń óńdeýge kóshý maqsatynda Úkimet 2040 jylǵa deıingi munaı óńdeý salasyn damytý tujyrymdamasyn qabyldady. Ótken jyldyń qorytyndysy boıynsha munaı óńdeý kólemi 18,4 mln tonna boldy. 2026 jyly negizgi munaı óńdeý zaýyttarynyń qýatyn arttyrý jobalaryn is júzinde júzege asyrý bastalady: Pavlodar munaı-hımııa zaýytynyń (MHZ) qýaty jylyna 5,5 mln tonnadan 9 mln tonnaǵa deıin ulǵaıtylady; Shymkent munaı óńdeý zaýytynyń (PKOP) qýaty jylyna 6 mln tonnadan 12 mln tonnaǵa deıin jetkiziledi; Atyraý munaı óńdeý zaýytynyń (MÓZ) qýaty jylyna 5,5 mln tonnadan 6,7 mln tonnaǵa deıin arttyrylady. Zaýyttarda bekitilgen kestege sáıkes josparly-aldyn alý jóndeý jumystary júrgizilýde.
Gaz salasynda ótken jyldyń qorytyndysy boıynsha gaz óndirý kólemi 15%-ǵa ósip, 68,2 mlrd tekshe metrdi qurady. 2026 jylǵa arnalǵan jospar – 62,8 mlrd tekshe metr. 2026 jylǵy qańtar–maýsym aılarynda 31,9 mlrd tekshe metr gaz óndirildi. Al bıylǵy jylǵa eldi mekenderdi gazben qamtamasyz etý josparly deńgeıi 64,3% bolyp belgilendi.
Aıta ketelik elde jańa sý qoımalary salynyp, sý esebi tolyq tsıfrlandyrylady.
