Pavlodar-Sharbaqty tas jolynda kólik órtendi

NUR-SULTAN. QazAqparat – Pavlodar-Sharbaqty tas jolynda órtengen kóliktegi adamdardy qutqarǵan jigittiń oqıǵanyń mán-jaıyn aıtqan vıdeosy tarady, dep habarlaıdy QazAqparat tilshisi.

Instagram-daǵy ti.pavlo paraqshasynyń málimetinshe, oqıǵa ornynda bolyp, eren erlik kórsetken azamattardyń biri – Erkebulan Júzbaev. Maraldy stansasynda temir jolshy bolyp eńbek etetin ol jumystan úıine kele jatqan kezde tosyn oqıǵaǵa kýá bolǵan.

«Pavlodar-Sharbaqty tas jolynyń boıynda, kóz aldymda jol-kólik oqıǵasy boldy. Mashına órtke oranyp, ot laýlap jana bastaǵanda ishinde adamdar qalyp qoıdy. Qasymdaǵy beıtanys adamdarmen birge órtengen kólikten adamdardy alyp shyqtyq. Qorqynyshty boldy. Kólikte tórt adam otyrdy. Qutqarǵan adamdarymyz aman. Biraq, jaǵdaılary aýyr ekenin estip otyrmyz. Kóz aldyńda bolyp jatqan kezde qalaı kómektespeısiń... Biz bolmasaq basqa bireý kómekteser edi», - dedi Erkebulan Júzbaev.