Pavlodar-Semeı tasjolynda kólikter órtenip, bir adam mert boldy
PAVLODAR. QazAqparat - Pavlodar mańynda «GAZel» men «Lada» kólikteri soqtyǵysty. Saldarynan avtomashınalar janyp, júrgizýshilerdiń biri mert boldy, dep habarlaıdy QazAqparat tilshisi.
«19 qazan kúni saǵat 00.20-da Pavlodar-Semeı tasjolynda Pavlodar qalasy Baıdaly aýylyna qarama-qarsy jerde «GAZel» men «Lada» markaly kólikter soqtyǵysty», - dep habarlady Pavlodar oblystyq Іshki ister departamentiniń baspasóz qyzmetinen.
Jol apatynan «Lada» órtenip, jalyn «GAZel» kóligine taraǵan. Saldarynan eki mashına tolyqtaı janyp ketken.
«Lada» júrgizýshisi kólik órtengen kezde qaza tapty. Saraptama taǵaıyndaldy. Oqıǵanyń mán-jaıy anyqtalýda», - dep atap ótti polıtsııadan.
Qazirgi tańda tergeý júrip jatyr.
