Pavlodar – Semeı avtojolynda kólik apatynan júrgizýshi qaza tapty

PAVLODAR. KAZINFORM — Pavlodar — Semeı avtojolynda eki jeńil kólik soqtyǵysyp, bir adam mert boldy. Polıtsııa qaıǵyly jol apatynyń mán-jaıy men sebepterin anyqtap jatyr. Bul týraly Pavlodar oblysy polıtsııa departamentiniń baspasóz qyzmetinen habarlady.

Павлодар – Семей автожолында көлік апатынан жүргізуші қаза тапты
Фото: Павлодар облысы полиция департаменті

— Pavlodar — Semeı baǵytyndaǵy jolda eki avtokóliktiń qatysýymen jol apaty boldy. Aqqýly aýylynan 12 shaqyrym jerde bolǵan oqıǵa saldarynan «Toıota Corolla Spacio» avtokóliginiń júrgizýshisi aýrýhanada qaıtys boldy. Oqıǵa boıynsha qylmystyq is qozǵaldy. Qazir bul qaıǵyly jaıttyń mán-jaıy men sebepteri anyqtalýda, - dep málimdedi óńirlik polıtsııa departamentinen.

Pavlodar – Semeı avtojolynda kólik apatynan júrgizýshi qaza tapty
Foto: Pavlodar oblysy polıtsııa departamenti

 

Polıtsııa departamenti mundaı oqıǵalardyń aldyn alý úshin jol qozǵalysyna qatysýshylarǵa aýa raıynyń ózgerýin baqylaý, jyldamdyq rejımin saqtaý, ásirese kólik kóp júretin jerlerde jáne kólik quralynyń tehnıkalyq jaǵdaıyn baqylaý mańyzdy ekenin eske salady.

Pavlodar – Semeı avtojolynda kólik apatynan júrgizýshi qaza tapty
Foto: Pavlodar oblysy polıtsııa departamenti

Eske sala keteıik, Semeıdegi eski kópir apatty jaǵdaıda tur: qozǵalysqa shekteý qoıyldy.

Сейчас читают