Pavlodar prokýrorlary jarty mıllıard teńge salyqtan jaltarǵan kásiporyndy anyqtady
PAVLODAR. KAZINFORM - Jiksiz bolat qubyrlaryn óndirýshi «KSP Steel» JShS PF qorshaǵan ortaǵa emıssııa úshin tólemdi tómen stavkamen jasaǵan.
«Kásiporyn qaýipti qaldyqtardyń tonnasy úshin 1 AEK ornyna 0,038 AEK mólsherlemesin qoldanǵan. Bul arqyly 113 myń tonna qojdy ornalastyrǵanyúshin 567,2 mln ornyna 9,7 mln ǵana tólendi. Prokýrorlyq qadaǵalaý aktisi boıynsha memlekettik kirister organdary kásiporynǵa 557,5 mln qosymsha eseptedi. Al onymen JShS kelispegen jáne fıskaldyq organnyń aktisine sottarǵa shaǵymdandy», - dep habarlady Pavlodar oblysynyń prokýratýrasy.
2024 jylǵy 30 qańtarda Joǵarǵy Sot oblys prokýratýrasynyń kassatsııalyq ótinishhatyn qanaǵattandyryp, joǵaryda kórsetilgen somalardy bıýdjetke óteý týraly sheshimdi kúshinde qaldyrdy.
