Pavlodar prokýrorlary aýyzsý tarıfin zańsyz kótergen kásiporyndy jazalady

PAVLODAR. KAZINFORM - «Aqtoǵaı SÝ» memlekettik kommýnaldyq kásiporny memleket bólgen sýbsıdııalarǵa qaramastan, sýmen jabdyqtaý qyzmetteri úshin 1 tekshe metrge 201,75 teńge mólsherinde artyq tarıfti negizsiz belgilegen. Bul 17 kásipkerlik sýbektisiniń jáne 1381 jeke tulǵanyń quqyqtaryna áser etti.

Pavlodar oblysy Aqtoǵaı aýdanyndaǵy «Aqtoǵaı SÝ» kommýnaldyq kásiporny memleket bólgen sýbsıdııalarǵa qaramastan, sýmen jabdyqtaý qyzmetteri úshin 1 tekshe metrge 201,75 teńge mólsherinde artyq tarıfti negizsiz belgilegen.

Sonymen qatar, kásiporyn tólem merzimin qysqartyp, ony buzǵany úshin ósimpul mólsherin 2,2 %-ǵa ósirgen. Alaıda, sýmen jabdyqtaý qyzmetterin kórsetý jónindegi úlgilik shartqa sáıkes ósimpul mólsheri árbir keshiktirilgen kún úshin 0,1%-dan aspaýy tıis.

«Bul mán-jaılar 17 kásipkerlik sýbektisiniń jáne 1381 jeke tulǵanyń quqyqtaryna áser etti.

Prokýratýranyń qadaǵalaý aktisimen kásiporyn belgilegen tarıf zańdy tulǵalar úshin 190 teńgege jáne jeke tulǵalar úshin 150 teńgege deıin tómendetilip, tólem merzimderi sáıkestendirildi. Ósimpul mólsheri 0,1%-ǵa deıin azaıtyldy. Kásiporynǵa 590 720 teńge kóleminde ákimshilik aıyppul salynyp, kásiporyn dırektory tártiptik jaýapkershilikke tartyldy», - habarlady óńirlik prokýratýradan.

Eske sala keteıik, Bas prokýratýra sot tóreliginen jasyrynǵan adamdardy izdestirýdi kúsheıtti.