Pavlodar polıtsııasy jalǵan terrorısti izdep jatyr

2 qazanda saǵat 14.10-da Ekibastuz qalasynyń 102 telefonyna mektep dırektorynan jarylǵysh qurylǵy týraly habarlama tústi, dep habarlaıdy QazAqparat.

ІІM málimetinshe, "№26 JOBBM dárethanasyna bomba qoıyldy" degen habarlama dırektordyń qalalyq telefonyna túsken.

- Mekenjaı boıynsha shuǵyl qyzmetter dereý jiberildi, oqý ornynyń oqýshysy men personaly evakýatsııalandy. Oqıǵa ornynda saperler jumys isteýde, ǵımaratqa jáne onyń aınalasyna tekserý júrgizilýde. Jarylǵysh qurylǵy tabylǵan joq. Osy faktige qatysy bar adamdy anyqtaý boıynsha is-sharalar júrgizilýde, - dep habarlady Pavlodar oblysy polıtsııa departamentiniń baspasóz qyzmeti.

Polıtsııa terrorızm aktisi týraly kórineý jalǵan habarlaý qylmystyq quqyq buzýshylyq bolyp tabylatynyn jáne 5 jylǵa deıin bas bostandyǵynan aıyrý jazasy qarastyrylǵan qylmystyq jaýapkershilikke tartylatynyn eske salady.