Pavlodar polıtsııasy taksı júrgizýshilerin jappaı tekserip jatyr

PAVLODAR. KAZINFORM - Alǵashqy eki kúnde tártip saqshylary jol qozǵalysy erejesin buzýdyń 282 deregin tirkegen. Sonyń ishinde 58 tasymaldaýshy jolaýshylardy tasymaldaý talaptaryn buzǵan. 

Pavlodar polıtseıleri «Tasymaldaýshy» jedel aldyn-alý sharasyn ótkizip jatyr. Alkashqy eki táýlikte ınspektorlar jol qozǵalysy erejesin buzý boıynsha 282 derekti anyqtaǵan. 

— 58 tasymaldaýshy jolaýshylardy tasymaldaý talaptaryn buzsa, taǵy 20 júrgizýshi kólik quralyn zańsyz qaıta jabdyqtaǵan. Al 2 taksı júrgizýshisi salonda jolaýshylar otyrǵanyna qaramastan ereje buzyp, qarsy qozǵalys jolaǵyna shyqqan, — dep habarlady Pavlodar oblysy polıtsııa departamentinen.

Mysaly, Pavlodar qalasyndaǵy Raketnaıa kóshesinde «Toyota Alphard» markaly avtokóliktiń júrgizýshisi ustaldy. Ol taksıge arnalǵan mobıldi qosymsha arqyly jeke tasymaldaýmen aınalysqan. Ári bul týraly memlekettik kirister organdaryna tıisti habarlama bermegen jáne tirkelmegen. Zańsyz kásipkerlikpen aınalysqany úshin kólik ıesine ákimshilik hattama toltyryldy.

Tártip saqshylary tasymaldaýshylardy zań talaptaryn qatań saqtaýǵa, jol-kólik oqıǵasyna soqtyrýy múmkin zań buzýshylyqtarǵa jol bermeýge shaqyrady.

Eske sala keteıik, Qaraǵandyda taksı júrgizýshisi «qaljyńdap» 4 jasar balany alyp ketken.