Pavlodar polıtseıleri zańsyz aýlanǵan 15 tonnadan astam balyqty tárkiledi
PAVLODAR. KAZINFORM - "Brakoner" jedel-aldyn alý sharasy barysynda balyqty zańsyz aýlaǵandar qolǵa tústi. Polıtseıler tabıǵat qorǵaý zańnamasyn buzýdyń 48 faktisin anyqtady.
Brakonerlik, bıologııalyq resýrstar obektileriniń zańsyz aınalymy faktileriniń jolyn kesýge baǵyttalǵan "Brakoner" jedel-profılaktıkalyq is-sharasy jalǵasyp jatyr.
- Polıtseıler tabıǵat qorǵaý zańnamasyn buzýdyń 48 faktisin anyqtady, onyń ishinde, zańsyz ań aýlaýdyń 23 faktisi, balyq aýlaý erejelerin buzýdyń 9 faktisi tirkeldi. Polıtsııa 15 tonnadan astam zańsyz aýlanǵan balyq resýrstaryn tárkiledi. Balyq resýrstaryn zańsyz óndirýdiń jáne aǵash urlaýdyń faktileri anyqtaldy. 5 kólik aıyppul turaǵyna qoıyldy, - dep habarlady Pavlodar oblysy polıtsııa departamenti jergilikti polıtsııa qyzmeti basqarmasynyń bastyǵy Qýanysh Mustafınov.
Reıd barysynda polıtsııa Keńtúbek aýyldyq okrýginde ornalasqan sý aıdynynda zańsyz balyq aýlaǵan Maı aýdanynyń turǵynyn ustady. Avtokólikten qytaılyq aý, úrlemeli rezeńke qaıyq, jalpy salmaǵy 5 kg-nan asatyn "móńke" balyǵy tárkilenip alyndy.
Eske sala keteıik, Ekibastuzda zańsyz balyq aýlaǵandar ustaldy.
