Pavlodar polıtseıleri stalkıng derekteri boıynsha tórt isti tergep jatyr

PAVLODAR. KAZINFORM - Qazirgi ýaqytta olar boıynsha qylmystyq ister qozǵaldy. Barlyq kúdiktiler anyqtalyp, polıtsııa bólimshelerine jetkizilgen.

Tártip saqshylarynyń aıtýynsha, áleýmettik jeliler men tsıfrlyq kommýnıkatsııalardyń qarqyndy damýynyń áserinen tek qarym-qatynas formaty ǵana emes, qylmystyń sıpaty da ózgerý ústinde. Búgingi tańda eń alańdatatyn máselelerdiń biri - stalkıng, ıaǵnı adamnyń jeke shekarasyna zańsyz qol suǵýshylyq, qyr sońyna túsý. Mundaı sıpattaǵy qylmystar kóbine onlaın keńistikte bastalyp, keıin naqty qaýipke aınalýy múmkin.

- Stalkıng derekterinde kóbine qurbandar – áıel adamdar. Mysal úshin Aqsý qalasynda er adam uzaq ýaqyt boıy áleýmettik jelilerde ártúrli jalǵan akkaýnttar jasap, qyz bala týraly jalǵan aqparat taratqan. ıAǵnı ondaǵy aqparattar qyz ıntımdik qyzmet kórsetedi degenge meńzegen. Sondaı-aq ol jábirlenýshige ártúrli nómirlerden qorqytý habarlamalaryn jibergen, - deıdi Pavlodar oblysy polıtsııa departamenti basshysynyń orynbasary Safýan Jampeıisov.

Uqsas jaǵdaı Pavlodar qalasynda da tirkelgen. 29 jastaǵy er adam áleýmettik jeliler arqyly qyzdyń sońyna túsken. Al Ekibastuzda áıelge burynǵy kúıeýi WhatsApp messendjeri arqyly densaýlyǵyna zııan keltiremin dep jazyp qorqytqan.

- Stalkıng derekteri boıynsha qylmystyq is qozǵaldy. Barlyq kúdiktiler anyqtalyp, polıtsııa bólimshelerine jetkizildi. Tergep-tekserý jumystary júrgizilýde. Adamnyń jeke shekarasy men qaýipsizdigin buzý qylmys ekenin árkim túsinýi kerek, - deıdi departament ókili.

Eske sala keteıik, SQO-da stalkıng deregi boıynsha alǵashqy úkim shyqty.