Pavlodar polıtseıleri balalaryna 4,5 mln teńge qaryz ákeni ustady

PAVLODAR. KAZINFORM - Polisia.kz portalynyń habarlaýynsha, jubaıymen ajyrasqan er adam tórt jyldan beri sottyń alıment tóleý týraly sheshimin elemeı kelgen. Búginde azamattyń alıment boıynsha qaryz somasy 4,5 mıllıon teńgeni quraıdy.

Polıtsııa qyzmetkerleri 29 jastaǵy er adamdy ustap, qaryz somasyn óndirip alý týraly sot sheshimin oryndaý úshin isti jeke sot oryndaýshysyna tapsyrdy.

Sonymen qatar balalardy asyraýǵa arnalǵan qarajatty tóleý jónindegi mindettemesin oryndamaǵany úshin er adamǵa qatysty qylmystyq is qozǵaldy. 

2024 jyly oblys polıtseıleri alıment tólemegen 300-ge jýyq adamdy anyqtaǵanyn atap ótken jón. Polıtsııa qyzmetkerleri alıment tóleýden jaltarý, tek qarjylyq shyǵyndarǵa ǵana emes, sonymen qatar qylmystyq jaýapkershilikke tartylýǵa ákelýi múmkin ekenin eskertedi.

Zańnyń bultartpas kúshin qamtamasyz etý jáne quqyq tártibin saqtaý qaǵıdalaryn ustana otyryp, polıtsııa kez kelgen quqyq buzýshylyq faktisin beıtarap tergep-tekserýge mindetti. Bul eldegi Zań pen tártipti qamtamasyz etýdiń mańyzdy negizi.

Eske sala keteıik, Pavlodar prokýrorlary alıment tólemegenderdi avtokólik júrgizý quqyǵynan aıyrdy.