Pavlodar polıtsııasy pornografııalyq taspada beınelengen adamdy tekserdi
PAVLODAR. QazAqparat – Pavlodar oblysy polıtsııa departamenti pornografııalyq sıpattaǵy vıdeotaspada beınelengen, ishinde tyrtyǵy bar belgisiz adamdy tekserý úshin júrgizilgen qylmystyq tergeý aıasynda sot-medıtsınalyq saraptama ótkizdi, dep habarlaıdy «QazAqparat» HAA tilshisi.
«Pavlodar oblysy boıynsha sot saraptamalary ınstıtýtynyń sot-medıtsınalyq sarapshysynyń qorytyndylaryna sáıkes, M.A.Áketaı esimdi azamattyń jeke basyn sot-medıtsınalyq káýlandyrý barysynda keýdeden ishtiń tómengi bóligine deıin, sondaı-aq, keýde qýysy men arqasynan qandaı da bir hırýrgııalyq tigister, tyrtyqtar anyqtalǵan joq», - dep málim etti Pavlodar oblysy polıtsııa departmentiniń baspasóz qyzmeti.
Vedomstvoda málim etkendeı, sotqa deıingi tergeý jalǵasýda.
Eske sala keteıik, 2 qazan kúni Pavlodar oblysy polıtsııa departamentine Pavlodar oblystyq sotynyń qylmystyq ister jónindegi sot alqasynyń tóraǵasy kelip, vatsap jelisi arqyly pornografııalyq sıpattaǵy beınetaspany daıyndap, taratqan belgisiz adamdardy anyqtap, qylmystyq jaýapqa tartý týraly aryz qaldyrǵan.
