Pavlodar polıtseıleri jol qozǵalysy erejelerin buzǵany úshin 68 myń júrgizýshini jaýapqa tartty
ASTANA. 21 jeltoqsan. QazAqparat - Jol qozǵalysy erejelerin buzǵany úshin 68 myń júrgizýshi, sonyń ishinde ishimdikke mas kúıinde kólik aıdaǵany úshin 3 500-den astam júrgizýshi jaýapqa tartyldy, dep habarlaıdy ІІD baspasóz qyzmetinen.
Bıylǵy jyly oblys joldarynda 981 jol-kólik oqıǵasy tirkeldi, 92 adam qaza taýyp, 1 344 adam dene jaraqatyn aldy. Apat sebepterine júrgizilgen taldaý JKO sebepteriniń biri jol qozǵalysyna qatysýshylardyń, ásirese, júrgizýshilerdiń tártibiniń nasharlyǵy ekenin kórsetti.
Joldaǵy apattardy azaıtý maqsatynda polıtseıler jedel aldyn alý is-sharalary jáne aktsııalar ótkizýde. Aýa raıy jaǵdaıynyń nasharlaýyna baılanysty (kóktaıǵaq, boran soǵýy), jol-patrýldik qyzmet qyzmetkerleri júrgizýshilerge túsindirý jumystaryn júrgizýde, olarǵa qysqa, biraq, jol-kólik oqıǵasy týraly senimdi statıstıka jáne JJE saqtaý týraly eskertý sıpatyndaǵy materıaldary bar «eskerpeler» taratýda.
Jol polıtseıleri JKO týraly aqparat júrgizýshilerdi joldarda muqııat bolýǵa úıretedi dep úmittenedi, óıtkeni, olardyń ózderiniń jáne basqa adamdardyń da ómiriniń qaýipsizdigi júrgizýshilerge baılanysty.
