Pavlodar polıtseıleri tórt toıdy toqtatty
PAVLODAR. QazAqparat – Pavlodar qalasynda karantın rejımin saqtaý boıynsha baqylaý toptarynyń reıdtik is-sharalary jalǵasýda, dep habarlaıdy QazAqparat Ravlodarnews.kz saıtyna silteme jasap.
-10 kúnniń ishinde monıtorıng toby 80-nen astam nysandy qamtyp, onyń 45-inde zań buzýshylyqtardy anyqtady. Tártip buzýshylarǵa qatysty QR Ákimshilik quqyq buzýshylyq kodeksiniń 425-baby boıynsha ákimshilik hattamalar toltyryldy. Mysaly, ótken demalys kúnderi birden tórt otbasylyq merekelik shara anyqtaldy, - deıdi jergilikti polıtsııa qyzmetiniń bastyǵy Arman Qaptaev.
Malaısary batyr kóshesindegi meıramhanada birden eki úılený toıy uıymdastyrylsa, Gagarın kóshesindegi dámhanada taǵy bir toı ótkizilip jatqan.
Barlyq faktiler boıynsha materıaldar jınalyp, tártip buzýshylardy ákimshilik jaýapkershilikke tartý úshin Pavlodar qalasynyń taýarlar men qyzmetterdiń sapasyn men qaýipsizdigin baqylaý basqarmasyna joldandy.
