«Pavlodar Open 2016» jarysynyń irikteý qorytyndysy jarııalandy

Erler arasynda chempıonattyń birinshi lıgasynda Igor Sannıkov jeńimpaz  atandy. Ekinshi oryndy halyqaralyq sheber Vladımır Grebenşıkov jeńip alsa, úshinshi oryndy Baıanaýyl aýdanynan kelgen jalǵyz ókil Bekbolat Armanbek ıelendi. Atalǵan úsh sportshy «Pavlodar Open 2016» jarysyna aldyn ala jarnasyz qatysady, dep habarlaıdy pavlodarnews.kz.

 Aıta ketý kerek, mundaı jarnanyń quny 3 myń teńgeden 25 myńǵa deıin jetedi. Oblystyq dene shynyqtyrý jáne sport basqarmasynyń syılyqtarymen jeńimpazdarmen qatar óz sanattarynda joǵary upaı jınaǵan sportshylar da marapattaldy. Ardagerler arasynda alǵashqy úshtikke ıÝrıı Papýrın, Erken Kamıtov jáne Vladımır Ivko endi. Názik jandylar ishinde Erkejan Ádilbekova jeńimpaz atansa, ekinshi oryndy Jibek Qýantaı ıemdendi, úshinshi oryn Baqyt Badamshınaǵa buıyrdy. Oqýshylarǵa keletin bolsaq, birinshi oryndy Mıhaıl Egorov, ekinshi oryndy Natan Kertaev, al úshinshi oryndy Tamerlan Kerımov ıelendi. - Bıyl jarysqa qatysýshylardyń sany artty. Ádette, 60 adamdaı ǵana bolatyn. Osy jyly sportshylar 96-ǵa deıin jetti. Jaqynda ashylǵan shahmat akademııasynan kóp bala keldi. 20 qarasha kúni oblys ortalyǵynda «Pavlodar Open 2016» jarysynyń Qazaqstan kýbogy úshin oıyny ótedi. On memleketten grossmeısterler keledi dep kútilýde, - dedi jarystyń bas tóreshisi Evgenıı Egorov.

Aıta ketsek, 15 qarasha kúni pavlodarlyq shahmat úıiniń ashylǵanyna 30 jyl tolady. Onyń alǵashqy basshysy Gennadıı Odegov bolǵan.