Pavlodar óńirine aqqýlar ushyp kele bastady

PAVLODAR. KAZINFORM — Óńirdegi sý aıdyndarynyń barlyǵy muz qursanyp jatqanyna qaramastan Ertis — Baıan óńirine aqqýlar ushyp kele bastady. Alǵashqylary Aqsý aýyldyq aımaǵynan baıqaldy.

Oblystyq orman jáne janýarlar dúnıesin qorǵaý mekemesiniń basshysy Ajdar Júsipov oblysqa aqqýlardyń ushyp kele bastaǵanyn habarlady. Qustar suńqyldaq jáne qıqyldaq aqqý túrlerine jatady.

— Aqsý aýyldyq aımaǵy men Pavlodar aýdanynyń dalaly jerlerindegi erigen qar sýyna aqqýlar qona bastady. Qaýyrsyn qanattylardy bizdiń mekemeniń ınspektorlary baıqaǵan. Aqqýlardyń kelýi aldaǵy ýaqytta kúnniń kúrt jylynatynyn bildiredi. Olardyń ishindegi suńqyldaq aqqýlar elimizde keń taraǵan, kóbine respýblıkamyzdyń Soltústik, Ortalyq jáne Ońtústik-Shyǵys óńirleriniń qalyń qamysty-qoǵaly iri kólderin mekendeıdi. Qyzyl kitapqa engen qıqyldaq aqqý da bizdiń aımaqta kezdesedi, — deıdi mekeme basshysy.

Eske sala keteıik, byltyr aqqýlar Pavlodar jerine naýryz aıynyń ortasynan ushyp kele bastaǵan. 

Jeltoqsan aıynda Pavlodarda aýyl turǵyny aıazda qalyp qoıǵan qos aqqýdy qutqarǵan edi.