Pavlodar óńirindegi orman sharýashylyqtarynda 3 mıllıonnan astam aǵash otyrǵyzyldy
PAVLODAR. KAZINFORM — Oblysqa qarasty memlekettik orman qorynyń 564 gektaryna 3,2 mln kóshet egildi. Bul jumystarǵa oblystyq bıýdjetten 446 mln teńge bólingen.
Óńirlik jer qoınaýyn paıdalaný, qorshaǵan orta jáne sý resýrstary basqarmasynyń basshysy Saǵyn Tóleýtaevtyń málimetinshe, kóshetter Pavlodar, Úrlútip jáne Maksım-Gorkıı orman mekemeleriniń aýmaǵyna egilgen.
— Pavlodar orman mekemesiniń ıAmyshev ormanshylyǵynda 165 gektar, Úrlútip orman mekemesiniń Qaıyńdy ormanshylyǵynda 157 gektar, al Maksım-Gorkıı orman mekemesiniń Peschan ormanshylyǵynda 242 gektar jerge aǵash otyrǵyzyldy. Ormandy qalpyna keltirý úshin qarapaıym qaraǵaı men qaraǵash kóshetteri paıdalanylyp jatyr. Qaraǵaı kóshetteri Reseıden, al qaraǵash Aqmola oblysyndaǵy «Qazaqstan ormany» JShS tuqymbaǵynan jetkiziledi, — dep atap ótti basqarma basshysy.
Mamandardyń aıtýynsha, kóshetter óńirdiń topyraq-klımattyq jaǵdaıyna beıimdelý talaptaryn eskere otyryp tańdalǵan. Kúzgi aǵash otyrǵyzý jumystaryna shamamen 170 adam men 70-ke jýyq tehnıka jumyldyrylǵan.
Keler jyly óńir boıynsha 1 274 gektar aýmaqqa orman daqyldaryn otyrǵyzý kózdelgen.
Eske sala keteıik, Qostanaı oblysynda jyl basynan beri 15 mıllıonnan astam aǵash otyrǵyzyldy.
