Pavlodar óńirindegi avtojoldardyń qysqy kútimine 40 merdiger jaýapty

PAVLODAR. KAZINFORM - Oblystaǵy avtokólik joldarynyń jalpy uzyndyǵy - 5515 shaqyrym.  Jalpy qoldanystaǵy joldardy kútip ustaýǵa bıýdjetten 4,7 mlrd teńge bólingen.

Avtokólik joldarynyń qaýipsizdigin arttyrý jáne úzdiksiz jol qozǵalysyn qamtamasyz etý maqsatynda aldaǵy qysqa 8,3 myń tonna kóktaıǵaqqa qarsy materıal daıyndalyp qoıǵan.

- Qys mezgilinde jalpy paıdalanymdaǵy avtokólik joldarynda qaýipsiz jáne úzdiksiz jol qozǵalysyn qamtamasyz etý maqsatynda 40 merdigerlik uıymmen shart jasaldy. Olardyń bireýi respýblıkalyq joldarǵa, úsheýi oblystyq joldarǵa jaýapty. Oblystyń joldarynda 418 arnaıy tehnıka jáne shamamen 850 jumysshy jumyldyrylǵan. Barlyq yqtımal shyǵynǵa bıýdjet kózderinen 4,7 mlrd teńge qarastyryldy. Jol jıekterin qardan tazartý, kóktaıǵaqqa qarsy materıaldy sebý, avtopavılondardy men demalys oryndaryn qardan tazartý, transheıalardy qazý jáne t.b. jumystar júrgiziledi, - deıdi oblystyq jolaýshylar kóligi jáne avtomobıl joldary basqarmasy basshysynyń orynbasary Narıman Omar.

Óńirdegi avtokólik joldarynyń jalpy uzyndyǵy 5515 shaqyrym bolsa, respýblıkalyq mańyzy bar avtomobıl joldary – 1663 shaqyrym.

Eske sala keteıik, Pavlodarda trassadaǵy qar bógeıtin qalqandardy kóbeıtý kózdelip otyr.