Pavlodar óńirinde talapqa saı qoqys polıondary óte az
PAVLODAR. KAZINFORM - Búgingi tańda ekologııalyq zańnamaǵa sáıkes keletin qoqys polıgondary tek Pavlodar, Ekibastuz jáne Aqsý qalalarynda ǵana jumys istep tur.
Óńirlik Ekologııa departamenti basshysynyń orynbasary Áset Syzdyqovtyń aıtýynsha, aımaqta qatty turmystyq qaldyqtardy ornalastyrýǵa arnalǵan 321 nysan bar.
- Ókinishke qaraı, ekonomıkalyq turǵydan alǵanda, ár aýyldyń janyna geomembrana tóseýdi, qoqysty suryptaýdy jáne basqa da kóptegen sharalardy qarastyratyn polıgon salý tıimsiz. Al aýdan ortalyqtaryna keletin bolsaq, búginde bul baǵytta jumystar júrgizilip jatyr. Mundaı polıgon qurylysynyń quny naqty eldi mekende turatyn halyq sanyna baılanysty kemi 1 mıllıard teńgeden bastalady. Másele tek qoqys polıgondarynyń qurylysyn qarjylandyrýda bolyp otyr, al jergilikti bıýdjette mundaı qarajat joq. Sondyqtan oblys ákimdigi kem degende eki jańa polıgon salý úshin Ekologııa mınıstrligi men Úkimetke júgindi, - deıdi ol.
Qazir Ertis, Tereńkól, Baıanaýyl jáne Maıqaıyń aýyldarynda tórt qoqys polıgonyn salýǵa jobalaý-smetalyq qujattama ázirlengen. Tabıǵat qorǵaý is-sharalarynyń josparyna sáıkes, mundaı jumystardy taǵy bes aýdanda - Sharbaqty, Jelezın, Maı, Aqtoǵaı jáne Ýspen óńirlerinde júrgizý josparlanǵan.
Eske sala keteıik, Qyzylorda oblysynda 200-ge jýyq zańsyz qoqys orny anyqtaldy.
