Pavlodar óńirinde referendýmda shamamen 500 myń adam daýys berý quqyǵyna ıe

PAVLODAR. KAZINFORM — Pavlodar oblystyq aýmaqtyq referendým komıssııasynyń málimetinshe, óńirde shamamen 500 myń adam daýys berý quqyǵyna ıe. 15 naýryz kúni barlyǵy 521 ýchaske jumys isteıdi.

Oblystyq aýmaqtyq referendým komıssııasy árbir qala men aýdanda Call-ortalyqtar iske qosylǵanyn habarlady. Sondaı-aq, jalpyrespýblıkalyq gov.kz/referendum, referendum2026.gov.kz/ru, referendum.gov.kz/ru saıttary men Telegram-bot jumys istep tur.

Óńirde páterlerdi aralap, shaqyrý qaǵazdaryn taratý jumystary júrgizilip jatyr. Mamandar barlyq turǵyndarǵa birdeı jetý múmkin bolmaı jatqanyn aıtady. Aımaqta jalpy sany 500 myńǵa jýyq daýys berýshi bar. 535 komıssııa qurylyp, olarda 3 myńnan astam adam jumys istep jatyr.

— Oblys boıynsha shamamen 900 mıllıon teńge kóleminde qarajat bólindi. Referendýmǵa bólingen bul qarjynyń 85%-y — barlyq deńgeıdegi komıssııa músheleriniń eńbekaqysy. Qalǵan bóligi biz daıyndaıtyn materıaldarǵa jumsalady, — dep túsindirdi Pavlodar oblystyq referendým komıssııasynyń tóraǵasy Gúlnar Amanjolova.

Buǵan deıin Referendýmnyń bekitý kýáligin qalaı alýǵa bolatynyn jazǵanbyz.