Pavlodar óńirinde mal izdep shyqqan er adam dalada adasyp ketken

PAVLODAR. KAZINFORM - Pavlodar oblysynyń Baıanaýyl aýdanynda qutqarýshylar dalada adasyp ketken er adamdy izdep tapty. Ol mal qarap shyǵý úshin jaıaý ketip, baǵytynan jańylǵan.

Jetisý oblysynda qutqarýshylar qar qursaýynda qalǵan 17 adamdy evakýatsııalady
Foto: QR TJM

Óńirlik tótenshe jaǵdaılar departamentiniń málimetinshe, ótken túnde oblystyq «112» pýltine 1989 jyly týǵan er adam habarlasqan. Ol Baıanaýyl aýylynan Júsipbek Aımaýytov aýyly baǵytynda jaıaý kele jatyp, adasyp ketkenin aıtqan.

- Atalǵan eldi mekenderdiń araqashyqtyǵy shamamen 70 shaqyrymdy quraıdy. Oqıǵa ornyna tótenshe jaǵdaılar men polıtsııa departamentiniń qyzmetkerleri dereý jiberildi. Іzdestirý-qutqarý jumystary 50 mınýt ishinde aıaqtaldy, - dep habarlady departamentten.

Qutqarýshylar er adamdy Júsipbek Aımaýytov aýylynan 30 shaqyrym jerden tapqan.

Abyroı bolǵanda, ol zardap shekpegen jáne medıtsınalyq kómekke muqtaj bolmaǵan.

Qutqarýshylar tótenshe jaǵdaı týyndaǵan kezde 112 nómirine habarlasý qajettigin eskertedi.

Eske sala keteıik, Buqtyrma sý qoımasynda tórt balyqshy qamys arasynda adasyp ketken.