Pavlodar óńirinde alǵashqy aýysym synyptary sabaqty úıden oqyp jatyr

PAVLODAR. KAZINFORM - Pavlodar, Ekibastuz, Aqsý qalalarynyń mektepteri aýa raıynyń qolaısyzdyǵyna baılanysty birinshi aýysymdaǵy synyptardy qashyqtan oqytý formatyna aýystyrdy.

Óńirde kóktaıǵaqqa jáne jeldiń ekpini sekýndyna 15-20 metrge deıin jetip turýyna baılanysty Pavlodar men Ekibastuz qalalarynyń tańerteń oqıtyn 1-9 synyptary, Aqsý qalasynyń 1-11 synyptary onlaın formatta bilim alyp jatyr.

Bul týraly Pavlodar oblystyq bilim berý basqarmasynan habarlady.

- 2025 jylǵy 15 jeltoqsanda óńirdegi úsh qalanyń bilim berý bólimderi aýa raıynyń kúrt buzylýyna baılanysty osyndaı sheshim qabyldady. Oblysta jańbyr aralas qar jaýyp tur, kóktaıǵaq túzilgen, - dep málimdedi basqarmadan.

Aqsýda sondaı-aq barlyq mekteptegi oqýshylardy tasymaldaý toqtatyldy.

Eske sala keteıik, 9 jeltoqsan kúni Ertis boıynyń 1-9 synyptary qashyqtan oqyǵan edi.