Pavlodar óńirinde 14 myńnan astam adam onkologııalyq aýrýlarǵa shaldyqqan
PAVLODAR. KAZINFORM - Onkologııalyq syrqattardyń kósh basynda sút beziniń qaterli isigi tur. Odan keıin toq ishek pen tik ishektiń qaterli isikteri keń taralǵan.
Ertis-Baıan óńirinde qaterli dertke shaldyqqandar qatary azaıar emes. Oblystyq onkologııalyq dıspanserdiń esebinde 14 myńnan astam adam tur.
- Sút beziniń, toq ishek pen tik ishektiń qaterli isigine shaldyqqandar kóp. Ókpe men asqazan obyry da aıtarlyqtaı alańdatady. Dertpen kúresýdiń eń tıimdi joly - ony erte anyqtaýdyń amaldaryn kúsheıtý. Byltyr onkologııalyq syrqatty erte anyqtaý isinde aıtarlyqtaı jetistikterge qol jetkizdik. 33 naýqas birinshi satyda anyqtaldy. Sonymen qatar, qaterli isiktiń sebebinen bolatyn ólim sany da jyldan-jylǵa azaıyp keledi. Byltyr bul kórsetkish 9 paıyz boldy. Bes jyldyq ómir súrý kórsetkishi de artty, - deıdi óńirlik onkologııalyq dıspanser basshysynyń orynbasary Ásel Asqarova.
Byltyr atalǵan dıspanserde 10 myń adam qaralyp, 1600 ota jasalǵan.
Eske sala keteıik, ShQO-da 2500-den astam adamnan onkologııalyq aýrý anyqtaldy.