Pavlodar óńiri boıynsha 150 synyptyń oqýshylary qashyqtan oqýǵa kóshirildi

PAVLODAR. KAZINFORM - Buǵan balalar arasynda sýyq tııý jáne tumaý aýrýlarynyń kóbeıip ketýi sebep bolyp otyr. Qazirgi ýaqytta oblysta 14 jasqa deıingi 32,8 myń bala JRVI-ge shaldyqqan.

Óńirlik sanıtarlyq-epıdemıologııalyq baqylaý departamentiniń málimetinshe, epıdemıologııalyq maýsym bastalǵaly oblysta 51 myń jedel respıratorlyq vırýstyq ınfektsııa (JRVI) jaǵdaıy tirkelgen. JRVI-ǵa shaldyqqandardyń 60 paıyzy – balalar. Bir aıǵa jýyq ýaqyt ishinde 32 myńnan astam jaǵdaı belgili bolǵan.

Al A tıpindegi tumaýdyń 30 jaǵdaıy tirkelgen. Aýyrǵandar arasynda 14 bala jáne 16 eresek adam bar.

Búginnen bastap oblystaǵy keıbir synyptar qashyqtan oqytý formatyna aýysa bastaǵan. 

- Oblys boıynsha qazirgi ýaqytta 150 synyptyń oqýshylary úıden oqyp jatyr. Pavlodar qalasynda qashyqtan oqýǵa 123 synyp aýystyrylsa, Pavlodar aýdanynda – 25, Tereńkól aýdanynda 2 synyp osyndaı formatqa kóshti, - dep habarlady oblystyq bilim berý basqarmasynyń baspasóz qyzmetinen.

Buǵan deıin Pavlodarda balalar arasynda vırýsty ınfektsııa órship, aýrýhana naýqastarǵa tolyp qalǵanyn jazǵanbyz.