Pavlodar óńirinde kıik atqan brakonerler ustaldy
ASTANA. QazAqparat - Pavlodar oblysynda Qazaqstannyń Qyzyl kitabyna engizilgen kıik ańyn atyp alǵan brakonerler ustaldy, dep habarlaıdy «QazAqparat» HAA tilshisi Pavlodar oblysynyń ІІD baspasóz qyzmetine silteme jasap.
Vedomstvonyń habarlaýynsha, 29 qazan kúni tabıǵatty qorǵaý polıtsııasy Maı aýdanynda reıdtik jumysty júrgizý barysynda Alqambergen ózeniniń boıynda «Toyota Hilux Surf» avtokóligin baıqap toqtatqan. Avtokóliktiń salonynda 27, 32 jáne 33 jastaǵy úsh azamat otyrǵan.
«Quqyq qorǵaýshylar olardyń kóliginen tegis uńǵyly qarý, pyshaq, oq atylǵan gılzalardy tapqan. Sonymen birge, aýmaqty tekserý kezinde avtokólik toqtatylǵan mańnan múıizderi kesilgen eki kıiktiń óligi tabylǵan», - dep habarlaıdy vedomstvonyń baspasóz qyzmeti.
Oblystyq ishki ister departamentiniń baspasóz qyzmetiniń aqparatyna sáıkes, brakonerler kıiktiń úıirin kórip qalyp, ekeýin atyp alyp, múıizderin kesip alǵannan keıin ólikterin laqtyryp tastap ketken. Qazirgi ýaqytta atalǵan oqıǵanyń tolyq mán-jaıy anyqtalyp jatyr.
