Pavlodar óndiristerinde jyl basynan 34 jazataıym oqıǵa tirkelgen
PAVLODAR. KAZINFORM -Jyl basynan óńirdegi óndiristik uıymdarda 34 jazataıym oqıǵa bolǵan. Saldarynan 35 adam zardap shegip, 1 azamat kóz jumdy.
Eńbek ınspektsııasy komıteti Pavlodar oblysy boıynsha departamentiniń basshysy Asqar Qapanovtyń aıtýynsha, taý-ken metallýrgııa ónerkásibinde jáne qurylys salasynda jumys isteıtin azamattar kóbirek zardap shegip jatyr. Jyl basynan 34 jazataıym oqıǵa tirkelip, 35 adam mertikken. Taǵy 1 adam qaıtys boldy.
— Máselen, bizdiń aımaq boıynsha jazataıym oqıǵalardyń basym bóligi Pavlodar men Ekibastuz qalalaryndaǵy óndiristerde bolǵan. Jyl basynan «Eýroazıattyq energetıkalyq korporatsııasy» AQ Shyǵys kenishinde 2 jaǵdaı, «Gorkomhoz-Pavlodar» JShS-de 2 oqıǵa jáne «Qazaqstan alıýmınııi» AQ-nyń elektr stansasynda taǵy da 2 jazataıym jaǵdaı tirkelgen. Basty sebep — jumystyń talapqa saı uıymdastyrylmaýy, — deıdi basqarma basshysy.
Óńirimizdegi qyzmetkerler arasynda jazataıym oqıǵalar men kásiptik aýrýlardyń aldyn alý jónindegi sharalar sheńberinde pavlodarlyq 25 kásiporynǵa «Halyqtyq baqylaý» jobasy engizildi. Sonymen qatar, búginde oblys kásiporyndarynda 881 óndiristik keńes jumys istep jatqan jaıy bar.
Eske sala keteıik, Pavlodarda jeke turǵyn úı qurylysy barysynda bir adam qaza tapty.