Pavlodar oblysynyń jańa ákimi óńir ortalyǵynyń kóshelerin aralap shyqty
Aımaq ákimi Zelenstroı, Vostochnyı jáne Ekinshi Pavlodar shaǵynaýdandarynda bolyp, qala bıligi men kommýnaldyq mekemelerdiń nazaryn áleýmettik nysandardyń kireberisteri men jaıaý júrginshiler joldaryn qardan tazartý máselesine aýdardy.
«Áleýmettik nysandar men oǵan irgeles jatqan aýmaq basty nazarda bolýy kerek. Adamdar aýrýhanalarǵa, mektepter men balabaqshalarǵa kedergisiz kelýi tıis. Bul jerden tańerteń ótkenmin. Sol kezde de, qazir de tazartylmaǵan! Kólik turaǵy men áleýmettik nysandarǵa qatysty ǵana emes, adamdar paıdalanatyn jaqyn mańdaǵy turaqtardy da qardan tazalaý kerek», - dedi №2 emhana janynda Ábilqaıyr Sqaqov.
Oblys basshysy shahardy aralap shyqqannan keıin, onyń birinshi orynbasary kommýnaldyq qyzmetkerlermen keńes ótkizdi. Tıisti qyzmetter qar shyǵarý jumystaryn kúsheıtip, qysqa merzimde qalany tolyq tazalaýǵa ýáde etti.
