Pavlodar oblysynyń TJD Qaraǵandy óńirinen qaýip joq dep sendirdi

Bul týraly búgin "Ertis" baspasóz klýbynda ótken brıfıng barysynda Pavlodar oblysy TJD-niń basshysy Alekseı Dvınıanın málim etti, dep habarlaıdy Ravlodarnews.kz. - Sý bógeniniń jarylýy bizdiń óńirde oryn almaǵandyqtan, qaýiptenýge negiz joq, - dedi basqarma basshysy.

"Sý aǵyny ótetin "Pavlodar - Qyzylorda" trassasynyń ýchaskesi Qaraǵandy oblysynyń aýmaǵynda, dálirek aıtsaq, bizden shalǵaıda jatyr. Dese de, oblystyq TJD tótenshe jaǵdaılardyń aldyn alý bóliminiń basshysy Sergeı Sytnık vedomstvonyń aqpan aıynda Qaraǵandy oblysy tarapynan eldi mekenderdi sý basýy múmkin ekenine aldyn ala joramal jasaǵandyǵyna sendirdi. - Oblys ákiminiń tapsyrmasy boıynsha qaýip tónýi múmkin jerlerge shyǵatyn jumys toby quryldy. Onyń ishinde "Aqjar" jáne "Qaratoqa" sý bógetterine jasaǵan sapardan tıisti akt qurylyp, bizdiń óńirdiń basshylyǵynyń atynan Qaraǵandy oblysynyń ákimine hat joldandy. Sonymen qatar Qaraǵandy oblysynan bizdiń aımaqqa keletin erigen qardyń sýy da nazarǵa alynǵan. Qaraǵandy oblysyn bizden tutastaı qorshap tastaý múmkin emes ári bul óte qaýipti. Álbette, sý tasqynyna qarsy júz paıyzdyq kepildik bere almaımyz, - dedi S. Sytnık.

Vedomstvo usynǵan aqparat boıynsha óńirde sý tasqynyna baılanysty 722 úı men 2525 turǵyny bar 31 eldi meken erekshe baqylaýǵa alynǵan. Ótken jylǵy jaǵdaıdyń qaıtalanbaýy úshin burynǵydaı Baıanaýyl aýdanynyń Teńdik, Qaraaşy aýyldary, Aqtoǵaı aýdanynyń Sholaqsor, Aqsý men qala syrtyndaǵy kent, Kenjekól aýyly jáne Pavlodar aýyldyq aımaǵyndaǵy Lenın kentine kóńil bólinýde. - Osy aptada josparlanǵan vedomstvoaralyq komıssııanyń otyrysynda sý jiberý kestesi qarastyrylady. Qazirgi tańda Ertisten táýligine 1700 tekshe metr sý jiberilýde. Bul kórsetkish artqan jaǵdaıda eskertý keledi. Alaıda qazir ShQO-nyń taýly óńirlerinen erigen qar sý qoımasyn toltyratyndyqtan, qandaı da bir boljam aıtý qıyn, - dedi S. Sytnık.