Pavlodar oblysynyń turǵyny 19 jyl boıy balalaryna alıment tólemegen
PAVLODAR. QazAqparat – Jyl basynan beri Pavlodar oblysynyń polıtseıleri alıment tóleýden jaltarǵan 53 adamdy anyqtady. Onyń 16-sy - Reseıde, dep habarlaıdy QazAqparat tilshisi.
«Tártip saqshylary 19 jyl boıy balalaryna alıment tólemegen oblys turǵynyn anyqtady. 2011 jyldan beri alımentten jaltarǵany úshin izdeýde bolǵan 35 jastaǵy beıqam ákeniń mekenjaıyn polıtsııa qyzmetkerleri Aqsý qalasynyń aýmaǵyna júrgizilgen jedel-izdestirý sharasy kezinde anyqtady», - dep habarlady Pavlodar oblystyq polıtsııa departamentiniń baspasóz qyzmeti.
Tártip saqshylarynyń aıtýynsha, er adam balalaryna 3 618 589 teńge qaryz. Oǵan qatysty QR QK «Balalaryn kútip-baǵýǵa arnalǵan qarajatty tóleý jónindegi mindetterdi oryndamaý, eńbekke qabiletsiz ata-analaryn, eńbekke qabiletsiz jubaıyn (zaıybyn) kútip-baǵýǵa arnalǵan qarajatty tóleýden jaltarý» baby boıynsha sotqa deıingi tergeý bastaldy.
Polıtsııa balalaryna alıment tólemegen 23 ákeniń avtokóligin tirkedi. Sonymen qatar olardyń kóligi týraly málimet «Avtopotok» jáne «Integra» avtomattandyrylǵan júıesine engizildi.
«2020 jyl bastalǵaly polıtseıler alıment tólemegen 53 azamatty anyqtady. Onyń 16-y Reseı Federatsııasynda», - dep tolyqtyrdy aımaqtyq PD.
