Pavlodar oblysynyń turǵyndary sý tasqynynan zardap shekkenderge kómektesýde
PAVLODAR. Naýryzdyń 20-sy. QazAqparat /Vera Lıvıntsova/ - Pavlodar oblysynda kásipkerler men jumysshylar, qyzmetkerler men zeınetkerler,
oqytýshylar men stýdentter oblys basshysy Baqytjan Saǵyntaevtyń Almaty oblysynda sý tasqynynan zardap shekkenderge kómektesý týraly úndeýin qoldap otyr.
Atap aıtqanda, «Pavlodarlıft» seriktestiginiń jumysshylary qyzylaǵashtyqtar úshin jarty mıllıon teńge jınady. Pavlodar memlekettik ýnıversıtetiniń oqytýshylary da birkúndik jalaqylaryn - 1,3 mıllıon teńge aýdaryp otyr. Al stýdentter baspalarynan aırylǵan aýyl turǵyndary úshin jyly kıimder men azyq-túlikter jınap jatyr.
Bul ıgi isten kásipkerler de tys qalǵan joq, olar sý tasqynynan zardap shekken aýyldyń turǵyndaryna kómekke qomaqty qarjy aýdardy. «Bir-birimizge kómektesý - árqashan bizdiń halqymyzǵa tán qasıet. Qyzylaǵashtardyń qaıǵylarynan ortaqtasyp kóńil aıtamyz jáne olarǵa shamamyz kelgenshe qoldaý kórsetkimiz keledi», - deıdi «Atameken» odaǵy» Ulttyq ekonomıkalyq palatasynyń Pavlodar fılıalynyń basshysy Petr Vyrvınskıı.
Al Innovatsııalyq Eýrazııalyq ýnıversıtetinde naýryzdyń 22-si kúni stýdentterdiń óner ujymy qyzylaǵashtyqtarǵa qarjy jınaý úshin marafon-kontsert ótkizedi, dep habarlady oqý ornynyń prokýrory Vladımır Shnaıder.
