Pavlodar oblysynyń turǵyndary polıtsııaǵa 8,5 mln teńgeniń qarýyn tapsyrǵan
PAVLODAR. QazAqparat - Pavlodar oblysynda úsh aıdyń ishinde 149 turǵyn aktsııa barysynda 8,5 mıllıon teńgege 169 birlik qarý tapsyrdy. Bul týraly oblystyq ІІD baspasóz qyzmeti málim etti, dep habarlaıdy pavlodarnews.kz.
«Turǵyndardan jınalǵan qarýdyń basym bóligin 152 birlik tegis uńǵyly qarý quraıdy. Sondaı-aq, 16 birlik ıir oıyqty myltyq, 1 sholaq qarý men 4300-den asa ıir oıyqty myltyqtyń oq-dárisi bar. Mysaly, Jelezın aýdanynyń turǵyny atasynan qalǵan eki birdeı TOZ jáne IJ tegis oqpandy ańshy qarýyn, Pavlodar aýdanynyń turǵyny ákesinen qalǵan 16 kalıbrli «IJ» markaly tegis oqpandy jalǵyz aýyz ańshy myltyǵyn óz erkimen alyp keldi», - dedi departamentte.
Zańsyz qarýdy jurtshylyqtan satyp alý maqsatynda memleketten 10 mıllıon teńgeden asa qarjy bólingen.
Eske sala keteıik, sáýir aıynan bastap respýblıka aýmaǵynda halyqtan zańsyz saqtalǵan atys qarýyn, oq-dáriler men jarylys zattaryn satyp alý boıynsha aktsııa júrgizilýde. ІІB-de tirkelmegen atys qarýlaryn, oq-dáriler men jarylys zattaryn erikti túrde tapsyrǵan adamdar qylmystyq jaýapkershilikten bosatylady.
