Pavlodar oblysynyń Taıynsha aýdanynda zamanaýı sport-saýyqtyrý kesheni ashyldy
PAVLODAR. QazAqparat - Pavlodar oblysynyń Taıynsha aýdanynda zamanaýı sport-saýyqtyrý kesheni ashyldy, dep habarlaıdy QazAqparat. Bul týraly oblys ákimi Ábilqaıyr Sqaqov jelidegi paraqshasynda jazdy.
«Jańa jyl qarsańynda Taıynsha aýdanynyń turǵyndaryna syılyq jasaldy. Aýdan ortalyǵynda zamanaýı sport-saýyqtyrý kesheni ashyldy. Sport kesheni boks, kúres, aýyr atletıka, fýtbol, basketbol, voleıbol zaldarymen jáne kórermender trıbýnasymen jabdyqtalǵan.
Sport kesheni jas sportshylardy júıeli túrde daıyndaýǵa múmkindik beredi», - dedi Ábilqaıyr Sqaqov.
Onyń aıtýynsha, bıyl óńirlde 6 sport-saýyqtyrý kesheni men 5 jabyq hokkeı kortyn salý bastalǵan.
«Kelesi jyly taǵy 7 kort salamyz. Biz sondaı-aq aýyl klýbtaryn mádenı-demalys ortalyqtary etip qaıta quryp jatyrmyz, munda aýyl turǵyndary sportpen shuǵyldana alady. ⠀
Jalpy, bıyl sportty qarjylandyrý 5,1 mlrd teńgeden 6,1 mlrd teńgege deıin nemese 18% ulǵaıtyldy. Oblysta 3 jylda barlyǵy 3 fýtbol alańy, 77 mını-fýtbol alańy, 25 voleıbol men basketbolǵa arnalǵan sport alańy, 64 jattyǵý kesheni salyndy», - dedi ákim.
