Pavlodar oblysynyń tas joldarynda eki kún ishinde 125 adam qutqaryldy
ASTANA. QazAqparat - Pavlodar oblysynda aýa temperatýrasynyń tómendeýine baılanysty respýblıkalyq jáne oblystyq mańyzy bar avtojoldar ýchaskelerinde barlyq baǵyttar boıynsha dızeldi otynmen júretin jáne qoǵamdyq kólikter úshin shekteý qoıyldy, dep habarlaıdy pavlodarnews.kz.
Dese de, eskertýlerge qaramastan, azamattar jolǵa shyǵýdy jalǵastyrýda.
Oblystyq TJD baspasóz qyzmeti habarlaǵandaı, búgin túngi saǵat 00.20 shamasynda «Vanhool» markaly avtobýsymen «Hýdjand -Novosibir» baǵyty boıynsha ketip bara jatqan 91 adam jylytý pýnktine jetkizildi. Onyń ishinde segizi - bala.
- №1 avtobýs parkindegi jylytý pýnktine jetkizilgen azamattardyń barlyǵy Tájikstan Respýblıkasynyń azamattary, - dep habarlaıdy TJD baspasóz qyzmeti.
Eki kún ishinde TJ aýmaqtyq organynyń qyzmetkerleri jedel túrde 125 adamdy, onyń ishinde 10 kámeletke tolmaǵan balany evakýatsııalady jáne jylytý pýnktterine jetkizdi. Zardap shekkenderdiń eshqaısysy medıtsınalyq kómekke júginbedi.
Azamattyq qorǵaý qyzmetkerleri daýyldy eskertý kezinde alys saparǵa shyqpaý kerektigin eskertedi.
