Pavlodar oblysynyń polıtseılerine 40 avtomobıldiń kilti tabys etildi
ASTANA. QazAqparat - Pavlodarda qazaqstandyq polıtsııanyń 25 jyldyǵy atalyp ótti, dep habarlaıdy pavlodarnews.kz.
Avtomobıldiń kiltterin oblys ákimi Bolat Baqaýov tabys etti. Jańa kólikterdi satyp alýǵa bıýdjetten 56 mıllıon teńge bólingen. Temir tulparlar jergilikti polıtsııa qyzmeti, qalalar men aýdandardyń bólimderine tapsyryldy.
«Materıaldyq-tehnıkalyq bazany nyǵaıtýdyń nátıjesinde óńirde qylmys deńgeıi tómendedi. Jergilikti polıtsııa qyzmeti alǵa qoıǵan mindetterdi abyroımen atqarady degen senim zor», - dedi oblystyq jergilikti polıtsııa qyzmetiniń bastyǵy ıÝrıı Kolesnıkov.
«Іshki ister organdaryndaǵy qyzmet óte qaýipti ári alǵysqa bólenetin mamandyq. Polıtseıler qaýipsizdikti saqtap, turǵyndardyń tynyshtyǵyn qamtamasyz etedi. Pavlodar oblysynda óz ómirin qaterge tigip, qyzmeti men mindetterin oryndaǵan batyrlar jetkilikti. Mamyr aıynda Qazaqstan Prezıdentiniń atynan Baıanaýyl aýdanynyń eki qyzmetkeri Murat Nurseıitov pen Baıanbek Júnisovke nagrada tabys ettim. Olar balalar bolǵan avtobýstyń «KAMAZ» júk kóligimen soqtyǵysýyna jol bermegen. Mundaı mysaldar óte kóp», - dedi aımaq basshysy.
Oblys ákimi jumysta úzdik atanǵan polıtseılerge nagradalar tabystady. Merekege oraı ishki ister organdarynyń 300 tártip saqshysy men ardageri marapatqa ıe boldy. Bul kúni óz mindetin oryndap dúnıeden ótkender bir mınýt únsizdikpen eske alyndy.
