Pavlodar oblysynyń oqý oryndaryna 11 myńnan astam baqylaý kameralary ornatyldy
«Pavlodar oblysynnyń oqý ǵımarattaryna 11439 baqylaý kamerasy ornatyldy», dep habarlady jýrnalısterge Pavlodar oblysy ákimdiginiń baspasóz qyzmeti óńirdiń bilim basqarmasyna silteme jasap.
«5324 kamera mektepterge, 4754-i balabaqshaǵa, al 1361-i kolledjderge, balalar úıi men qosymsha bilim berý nysandaryna qoıyldy», dep atap ótti ákimdikte.
«Bıyl Pavlodar, Ekibastuz, jáne Aqsý óńirindegi mektepterge 2900 baqylaý kameralaryn ornatýǵa bıýdjetten 111 mıllıon teńge bólý qarastyrylǵan, - dep málimdedi aımaqtyń bilim berý basqarmasy basshysynyń orynbasary Sáýle Álekparova.
«Aımaqtyń bes mektebi baqylaý kameralarymen qamtylmady. Ol mektepterdiń barlyǵy Sharbaqty aýdanynda ornalasqan. Olar - shaǵyn keshendi mektepter, olarda 10-ǵa jýyq bala oqıdy. Soǵan qaramastan, 2020 jyly bul másele sheshiledi».
Bilim berý basqarmasynda aıtyp ótkendeı, kameralar oqý ordalarynyń syrtynda jáne ishinde bolyp jatqan jaǵdaılardyń barlyǵyn tirkep otyrady. Baqylaý kameralarynyń jazbalary 30 kún boıy saqtalady.